Bidaien oskola

Behin baino gehiagotan autoan lo egin dut (Burgosen, Madrilen, Bordelen, Carcasonan, ...) baita beste norbaitekin ere pare bat aldiz. Jendeari azaltzen diodanean, ordea, guztiek ez dudala deskantsatu penstatzen dute... Inork ez dakiena da kotxean bertan benetazko ohe bat daukadala!

Autoa erosi eta gero hortxe ere ohe bat behar nuela konturatu nintzen. Ataza ez zen batere zaila: ohea egiteko hiru egur erosi nituen, base gogorra behar bainuen; horrelako gauzeentzat espuma bat, ondo deskantsatzeko balioko zidana; eta bukatzeko izara edo tela bat, dena tapizatzeko. Espumak 1,90 x 1,35 zmko neurriak zituen; horrek esan nahi du bikoteko ohe bat egin nuela. Eta hori guztia egiteko erabili nituen tresnak zerra bat, kuter bat eta engrapadora profesional bat izan ziren.

Autoa erraz alda daiteke itxura normal batetik azaldu dudan kotxe-ahoera. Hori bai, beti aukeratu behar dut zeinekin joan nahi dut, izan ere ohea eramateak barruko guztia aldatzen baitit. Hala ere, ohea jartzeko lana ez da betere zaila eta gutxi gorabehera ordu erdi batean eduki dezaket. Egin behar dudan gauza bakarra zera da: aurreko aulkiak makurtu, atzekoak kendu (etxean uzten ditut) eta geratzen den lekuan prestatu nituen hiru moduluak zuzen jarri. Honekin dagoeneko egin dut ohea. Gero, bidaiatzeko zailtasunik gabe modulu bat altxatzen dut eta aurreko aulkiak bere posiziora eraman.

Datorren astean nire kotxe-ohearekin bidaia luze bat hasiko naiz Afrika aldera. Horri esker badakit inoiz ez naizela kalean geratuko: Uneoro non egon edukiko dut, euria hasten duenean barraskiloa bere oskolan makurtzen den bezala.

(llegeix aquest article en català: El meu cotxe-llit)